22-ноябрда Коммуникация факультетинин даярдоо курсунун студенттерине  арналган «Коммуникацияга кош келдиң» аталышындагы тааныштыруу иш-чарасы болуп өттү.

Ага аты аталган факультеттин деканы проф., док.  Хамза Чакыр, анын орун басары Абды Сатаров, жалпы мугалимдер жамааты жана студенттер катышты. Алгач эле Коммуникация факультетин  тааныткан видео көрсөтүлдү.

 Андан соң  ар бир бөлүм, тагыраак айтканда, журналистика, радио, телевидение жана киноискусство, коом менен байланыш бөлүмдөрүнүн  студенттери өздөрүнүн бөлүмдөрүн тааныткан тамашалуу интермедияларды аткарышты. Концерттик программа оюндар менен уланып, “Manas LIFE” порталынын тамашалуу видеосу менен жыйынтыкталды.

Кабарчы: Нурзида Тойгомбаева