Студенттик фестивалда “Манас” университети 1-орун алды
Махмуд Кашгари-Барскани Чыгыш университети тарабынан уюштурулган ЖОЖдор аралык “Көчмөн элдердин орток мурасы-улуттарды биримдикке чакыруу” аттуу студенттик фестивалда Кыргыз-Түрк “Манас” университети 1-орунду жеңип алды.
Фестивалдын жүрүшүндө улуттук буюмдар, кийимдер жана тамак-аштар көргөзмөгө коюлуп, студенттер этно хит, этно бий жана этно тамак-аш конкурстары боюнча күч сынашты.
Жыйынтыгында үчүнчү жана экинчи орунду Махмуд Кашгари-Барскани Чыгыш университети ээледи. Ал эми 1-орунду Кыргыз-Түрк “Манас” университети жеңип алды. Жеңүүчүлөр грамота жана белектер менен сыйланды.
Фестивалдын максаты көчмөн элдердин маданияты менен тааныштыруу жана элдердин биримдигин чыңдоо.
Даярдаган: Адинай Курманова